*ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਵੱਲੋਂ ਇੱਕ ਪੌਦਾ ਮਾਂ ਦੇ ਨਾਮ ਮੁਹਿੰਮ ਤਹਿਤ ਲਗਾਏ ਪੌਦੇ* | ਵਾਤਾਵਰਨ ਨੂੰ ਬਚਾਉਣ ਲਈ ਸਿੱਖਿਆ ਵਿਭਾਗ ਹਰ ਸਾਲ ਯਤਨ ਕਰਦਾ ਰਹਿੰਦਾ ਹੈ|ਇਸ ਲੜੀ ਨੂੰ ਜਾਰੀ ਰੱਖਦਿਆਂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਰਵਿੰਦਰ ਕੌਰ ਵੱਲੋਂ ਵਿਭਾਗ ਦੇ ਆਦੇਸ਼ਾਂ ਅਨੁਸਾਰ ਇੱਕ ਪੌਦਾ ਮਾਂ ਦੇ ਨਾਮ ਮੁਹਿੰਮ ਤਹਿਤ ਸਰਕਾਰੀ ਪ੍ਰਾਇਮਰੀ ਸਕੂਲ ਫਤਿਹਪੁਰ ਅਵਾਣਾ ਅਤੇ ਦਾਖਾ ਬਲਾਕ ਲੁਧਿਆਣਾ -2 ਵਿਖੇ ਪੌਦੇ ਲਗਾਏ |ਇਸ ਮੌਕੇ ਰਵਿੰਦਰ ਕੌਰ ਨੇ ਦੱਸਿਆ ਕਿ ਇਹ ਮੁਹਿੰਮ ਜ਼ਿਲ੍ਹਾ ਲੁਧਿਆਣਾ ਦੇ ਪ੍ਰਾਇਮਰੀ ਸਕੂਲਾਂ ਚ ਬਹੁਤ ਹੀ ਉਤਸ਼ਾਹ ਨਾਲ ਚਲਾਈ ਜਾ ਰਹੀ ਹੈ |ਇਸ ਮੁਹਿੰਮ ‘ਚ ਸਕੂਲ ਚ ਪੜ੍ਹਦੇ ਵਿਦਿਆਰਥੀਆਂ ਨੂੰ ਅਪਣੀ ਮਾਂ ਨੂੰ ਯਾਦ ਕਰਦਿਆਂ ਇੱਕ ਪੌਦਾ ਲਾ ਕੇ ਸਫ਼ਲ ਬਣਾਇਆ ਜਾ ਰਿਹਾ ਹੈ |ਵਿਦਿਆਰਥੀਆਂ ਨੂੰ ਉਸ ਪੌਦੇ ਨੂੰ ਪਾਣੀ ਅਤੇ ਖਾਦ ਆਦਿ ਪਾਉਣ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ ਤਾਂ ਕਿ ਵਿਦਿਆਰਥੀ ਸਰੀਰਿਕ ਅਤੇ ਮਾਨਸਿਕ ਤੌਰ ਤੇ ਉਸ ਪੌਦੇ ਨਾਲ ਆਪਣਾ ਰਿਸਤਾ ਬਣਾ ਕੇ ਉਸ ਪੌਦੇ ਹੀ ਦੇਖ-ਰੇਖ ਕਰ ਸਕਣ|ਮਿਸ਼ਨ ਸਮਰੱਥ ਦੀ ਮਿਡ ਟੈਸਟਿੰਗ ਚ ਟੀਚੇ ਤੋਂ ਪਿੱਛੇ ਰਹਿ ਗਿਆ ਵਿਦਿਆਰਥੀਆਂ ਨੂੰ ਵਿਸ਼ੇਸ਼ ਤੌਰ ਤੇ ਕੇਂਦਰਿਤ ਕਰਨ ਲਈ ਅਤੇ ਦਾਖ਼ਲਾ ਮੁਹਿੰਮ ਲਈ ਅਧਿਆਪਕਾਂ ਨੂੰ ਪ੍ਰੇਰਿਤ ਕੀਤਾ ਗਿਆ |ਸਰਕਾਰੀ ਪ੍ਰਾਇਮਰੀ ਸਕੂਲ ਦਾਖਾ ਚ ਸਫ਼ਾਈ ਪ੍ਰਬੰਧ ਵਧੀਆ ਪਾਇਆ ਗਿਆ| ਪੌਦੇ ਨਾਮ ਚੇਤੇ ਰੱਖਣ ਲਈ ਸਥਾਨਕ ਨਾਮ, ਬੋਟਨੀਕਲ ਨਾਮ ਦੀਆਂ ਪਲੇਟਾਂ ਲਿਖਣ ਲਈ ਕਿਹਾ ਗਿਆ|ਇਸ ਮੌਕੇ ਪਰਮਜੀਤ ਸਿੰਘ ਬੀ. ਪੀ. ਈ. ਓ., ਜਗਜੀਤ ਸਿੰਘ ਝਾਂਡੇ ਬਲਾਕ ਕੋਆਰਡੀਨੇਟਰ,ਸੁਖਦਰਸ਼ਨ ਸਿੰਘ ਬੀ. ਆਰ. ਸੀ., ਸ਼ਰਨਜੀਤ ਕੌਰ ਸੀ. ਐਚ. ਟੀ. ਅਨਿਲ ਮਠਾਰੂ ਹੈੱਡ ਟੀਚਰ ਆਦਿ ਅਧਿਆਪਕ ਹਾਜ਼ਰ ਸਨ |